Dicette 'o pappece

Dicette 'o pappece vicino' a noce:
damme tiempo ca te spertoso...

E mò ca ll'aggio spertusata,
'sta noce d'a vita mia,
'nce truovo tutto,
fore chello ca me serve.

Ce truovo 'e possibbilità,
parole e cunforto,
idee e nuvità,

ce truovo tanti ccose,
speranze, zizzinelle,
ricuorde e ammuine.

Tutto 'nce truovo,
ma chello ca me manca,
è chella sola cosa
ca c'aveva stà:
a noce.

Eh, se l'ha magnata o verme.
E mmentre Je pensavo, isso magnava.

Ha fatto primma' e me,
e ha fatto a meglia cosa.